Nöyrız Boşı
Keçi id bı,
Bıtın elhon şor bı,
Bə boğ, boğça be gəşdan morund,
Kələhon fərən minı.
Dəst-ru xışdanuna müşürund,
Mıdəynund nücə olat,
Şori minund, vozi midarond,
Əzənşuni rışına həyot.
Təbrik minund mö, piyərə,
Moç minund buror - xuvara ,
Bedirəni qucoq mızənund ,
Əmi, doyi, bibi, xolara.
Elhona arzuyi,
Nöyrız kan ruz san boşı.
Kisemun pur ə noğul, nabat,
Hər ruzmun 'idə ruz boşı.
Kileməni
Kileməni, nozməni,
Nəğmeməni, sozməni.
Ruztı boşı ve gül pur,
Imırtı şor xürrəm boşı.
Şırına xohon vini,
Bə xotı gül vəçini.
Hiç nə vini bici, fənd,
Rutı boşı şəkər, qənd.
Bə mötı gülhon ti,
Ye dəsdə sümbül ti.
Ördəkməni, qozməni,
Tı xuşa avozməni.
Tı hısti - ruz cənnəti,
Tı dılməni, cunməni,
Bə damorman xunməni.
Tı noğulməni, nabatməni,
Tı arzuman, nabatman.
Hər güfdireti beman cuni,
Xandeti ye dünyohi.
Olati rangbarangi,
Kileman çi qəşəngi!
Bə bun
Rafdum dirum bə bun Qazi duto siçon bə vozi,
Döyısdum - döyısdum parısdum, dəs ruman bıdarun xun,
xuna şundum bı xori,
Vəlg beman güvö do.
Güvörə dorum bə gısband,
Gısband beman ruğan do.
Ruğana dorum bı qari,
Qari beman qaqol do.
Qaqola dorum bə məllö,
Məllö beman kitob do.
Kitoba dorum bə Xudo,
Xudo beman ımır do.
Tat xalqirə quşmeyi
Vassol
Ay vassola ruzhoni,
Ay vassola ruzhoni,
Sola əzizə ruzhoni,
Bə küh ö soz vərfhona,
Bə boğ ö soz vərfhona,
Şor boşı dılhon ə bahar.
Bə rıkara sel biyo,
Taxılhon tel-tel boşı.
Dorhon voçinı çiçək,
Vəlghonşun ləçək-ləçək.
M.Hacıyevin tərcümələrindən
