Kurağakişi.
Tərkibi: güşt, ruğan, nimik, ədüvəhon, piyoz,qilin, kişniş, şüyüt
Bürjundana qoydeyi: Bə qajqun ruqana bə dəkərdənund. Küftə güştə (nimik, ədüvə, zərdəkülə qariş soxda). Kan əngiş rost busoxdəni bə doğ birə ruğan ol busoxtəni. Ye kəmi ö bıdəkərdəni. Ö bədüşirəni nimikə bıdəkərdəni. Qilinə bu kor gö vəngirəni , bıdəkərdəni bı qajqun (dıli xostagor bı səri mudunı köyrə ( kişniş, şüyüt) dəkərdan) duhunirə bihil, zirirə bikiş. Dəh dəyqəgə bədə muduni bı qobhon dəkərdan.
Ovduğ (duğramoc)
Tərkibi: 200 gr qatıq, nim (0,5) lt ö, şüyüt, kişniş, nımık, toza xiyor.
Bürjundana qoydeyi: Düşirə və xinikə örə ve qatıq qariş bısoxdənund və bı səri gərmə vəncirə birə şüyüt, kişniş və xiyora bı dəkərdənund, bədə bə səri nimik əlovə bı soxdənund. Bə xinikə gö beşdənund ki, bə sıfrə xinik biyornund.
Çığırtma .
Tərkibi: ye (1) kərg, panşto (5) xoyəkəy, ye (1) piyoz, sad (100) qram ruğan, (1) ye xürökə qəşuği orda, nimik, istiyüt.
Bürjundana qoydeyi: Kərg bə ö pörtülmiş bəbiran, sato piyoza gərmətər bə vəncirənund , bə ruğan ol bı soxdənund. Bə səri ye xürökə qəşuği orda və güşd kərgiş bı dəkərdənund. Kərg ol birə bədə öyiş bə səri bı dəkərdənund. Xürökə ə düşirəni bədə panşto xoyəkəy qariş soxta bəbiran və ineş bı səri əlovə bı soxdənund.
Dulme təhəngın
Tərkibi: Güşt, bırınc, lübyə, piyoz, nimik, ədüvəhon, vəlg bih yo pip.
Bürjundana qoydeyi: Güşt ( moli yo gısbandi) bı maşin kəşirə, yo bıtaxta küfdə bəbiran, piyoz, bırınc, duroza lübyə, nimik. bə güşt qariş soxda bəbiran avoz küfdə bəbiran. Ve dəs xub qariş soxda bəbiran. Bədə güştə bijlə bə durozi ( haf (7) santi bə durozi), əvvəlcə şüsdə birə , dımı vaçanda bihə vəlgirə ye bijlə a qul dimi bə güşt pükundəni . Ye kəmi bıdarun dəsdı qequndəni bə mıs qajqun ve sıreyi vəkirəni. . Bısəri ö ( xinik ) dəkərdəni. Kəfi vəkirə bəbiran. Bisdi pan (25) dəyqə düşünda bədə hozıri. Yerdəmi kəşirə bədə bə bilməhon bı kəşirəni. Ve qatıq xora bəbiran.
