Kuragakişi
Ərzaqa : guşt, qarçişkə, ruqan, piyaz, nümük, kişniş, şüyüt
Birjundənə qaydayi: Bə qajqun ruqana bə vukardənund. Küftə guştə (nümük, ədivə, zərdəçu amuj səxdə) hiçə əngüşt rast bə səxdənund bə düşirə ruqan ov bə səxtenund. Ye kəmi ov bə vukardənund. Ov bədüşürəni. nümük bə vukardənund. Qarçişkə rə bə çar cigə bə əncirənund və bə qəjqun bə vukardənund (düli xastəgar bə səri midanu kişniş,şüyüt vukanü) duhuni rə bə rarənund, zirirə bə küşdənund. Dəh dəyqə bədə midani bə qabə vukardən.
Ovduq (bə tati ə “ov” və “duq” gafayi dürüst əbirən ).
Ərzaqa : 200 gr qatuq, yə nim (0,5) lt ov, şüyüt, kişniş,nümük, tazayə xiyar.
Birjundənə qaydayi: Düşürə və xunükə oyə bə qatuqaz amuc bə səxtənund və bə səri xurdə əncirə birə şüyüt, kişniş və xiyarə bə vu kardənund, bədəh bə səri nümük əlavə bə səxtənund.Bə xunikə cigə bə rarənund ki bə süfrə xunük biyərund.
Çığırtma.
Ərzaqa: ye (1) kərg, pəncta (5) xaykərg, yə (1) piyaz, sad (100) qram ruqan, (1) yə xurəkə qəşuqi ard, nümük, istiyut,
Birjundənə qaydayi: Kərg bə ov pörtülmiş əbirən. səta piyazə xurdətər bə əncirənund və bə ruqan qırmizi bə səxtənund. Bə səri yə xurəkə qəşuqi ard və guşd kərgiş bə vukardənund. Kərg qızarmiş birə bədəh oyiş bə səri bə vukardənund. Xurəkə ə düşirəni bədəh pancta xaykərg amuj səxtə əbirən və uniş bə səri əlavə bə səxtənund.
Dulma təhəng: (yarpaq dolması)
Ərzaqa: guşt, dünə, paxli, piyaz, ədvəha, vəlgə bih və ya vəlgə pip.
Birjundənə qaydayi : guştə ( ə dana və qusband) bə təxtə bə kuftənund yaiş bə maşın bə kəşirənund, piyaz, dünə, duraza paxli, nümük bə guşt amuj səxtə birə avas kuftə əbirən. Bə dəstaz amuj bəstənund, bə çirpundənund. Bədə guştə xurdə bə durazi 7 sm ə əvvəl şüştə birə, dümi bıra birə vəlgə biy ə düm birə cigəyi bə kuçə guşt bə girəsundənund, bədə guştə bə vəlg bə piçundənund. Yə kəm sıxmiş bə səxtənund bə misə qəjqun bə deçirənund. Bə səri yə kəm ov (xunük) bə vukardənud. Küpügirə bə vəgüftənund. bista pənc deqiqe düşirə birə bədə əbirüştən. Bə xar ə dəm kəşirən b ədə bə pişqaba kəşirə əbirən . Bə qatuqaz bə xardənund .
